Masahista (2005)

MALABO ANG LAHAT

Ang pelikula ni Brilliante Mendoza, ito ay tungkol kay Iliac na isang masahista, pero hindi lang basta isang masahista. May extra service yon kapag nagdagdag ng bayad. Habang sabay na ipinapakita ang kasalukuyan, mula sa pag-iimbalsamo hanggang sa paglibing sa ama ni Iliac.

At first I thought present yung nagmamasahe si Iliac at ang past ay yung kwento nya sa probinsya sa Pampanga kasi medyo blur. Akala ko kaya sya nagtrabaho bilang isang masahista kasi namatay ang tatay nya at sya ang bumubuhay sa pamilya nya, but I was wrong. Ang kasalukuyan pala ay ang pangyayari sa probinya at ang nakaraan ay ang nangyayari sa masahihan.

Ang pagsabayin ang nakaraan at ang kasalukuyan sa isang pelikula ay medyo magulo para sa manonood. Pero ang mas nakapagpagulo ay ang nakita kong pagsasabay ng nakaraan at ang papunta sa kasalukuyan, so parang nakaraan lang pala lahat. Pero lets define it nalang na nakaraan at kasalukuyan. Kung hindi nito naipapakita ng maayos ang kaibahan ng kasalukuyan at nakaraan mahihirapan ang mga manonood na intindihin ang kwento. At ang pagsubok doon ay kung paano maipaparating ang mensang nais ipahiwatig ng pelikula kung naguguluhan ang mga manonood.

Dalawang panahon sa iisang pagkakataon. Naging maayus para sa ‘kin ang transition, at obvious ang dimension ng dalawang panahon. Malinaw ang nakaraan at malabo ang sa kasalukuyan.

Bakit malinaw ang nakaraan? Marahil sa buhay nya malinaw na wala na syang ibang nakikitang paraan upang kumita ng pera kundi maging isang callboy. Malinaw na ito ang buhay na pinasok nya at hindi na nya matatakasan pa kahit namatayan pa sya ng ama. Kakulangan sa matinong trabaho sa bansa, kaya napili ni Iliac na mag-callboy. Pati ang magalaw na kuha ng camera sa ilang eksena hindi stable. Magulong buhay ang kanyang kinakaharap. Ina na iniwan ng ama at sumama sa isang hostes, at kung ano-ano pang mga issues.

Bakit malabo ang kasalukuyan? Marahil ipinapakita dito na ang buhay ni Iliac ay malabo, magulo at puno hinagpis. Ang pagiging callboy nya, ang pag-iwan sa kanila ng ama at ang pagkamatay nito, at matinding emotional issues na bumabalot sa kanya. Lahat ng tao may probema, dipende na nga lang sa degree o level ng paghihirap.

Ang libro ni Marina Hidalgo ang naging susi sa pintuan ng nakaraan at kasalukuyan, ang nagdugtong sa lahat ng eksena o sa buong kwento. Ang buhay nyang parang kwento sa isang libro o pocket book. Kumpleto sa elemto ng isang kwento, may climax at pababang aksyon. Tapos punong-puno ng pagsubok, straggles in life na dapat solusyunan, may puot na bumabalot at sya’y may madilim na buhay. Kapansin-pansin ay ang mga tyinelas, sapatos, paghuhugas ng paa, nakatapak ng paa, mga sukat ng paa sa papel. Sumisimbolo sa mga paglalakbay ni Iliac bilang isang masahista at bilang isang anak, ang paglalakbay nya nakaraan at ang paglalakbay sa kasalukuyan at sa hinaharap.

___________________________________________________

THE LGBT COMMUNITY

Lesbian, Gay, Bisexual, Transgender

Sa bansang PIlipinas, laging hirap matanggap sa lipunan ang mga tomboy, bakla, paminta at ang trans*gender. Hanggang ngayon hirap parin silang magpakita ng kanilang tunay na katauhan, dahil sa lipunang pikit sa katotohanang may mga taong lubos na iba sa karaniwang babae at lalaki. Ang pagtanggap sa mga taong iba ang preference ay makakabuti. Lahat ng tao ay nilikha ng Diyos na iisa. Dapat magmahalan kahit na magkakaiba ng paniniwala sa buhay. Walang dapat ipagsawalang bahala, walang dapat iichapwera at walang dapat binabaliwala. Dahil ang bawat isa ay unique and special made by God.

Yung mga baklang hindi matanggap ng kanilang mga magulang specially their father, itinatakwil minsan sila dahil sa kanilang preference. May mga ilan pa ngang binubugbo ng kanilang ama dahil sa kanilang sexual orientation. Imbis na sila ang unang tumanggap sa anak, kapamilya pa mismo ang nagtatakwil at nagpapahirap sa kanila. Kasi sa buhay ng isang LGBT hindi nawawala ang tukso, mga pangmamata, pang-aasar at panglalait. Imbis na pamilya ang magtatanggol mula sa kaaway, sa mga nang-aapi at nanglalait sila pa ang nagpapahirap.

Minsan nga biktima pa sila ng karahasan, maraming mga bakla ang napapatay. Gusto lang naman nila ng pagmamahal kaya sila ganon, pero sila ang napaparusahan, naghihirap at nagdudusa. Tapos nakakaranas din sila ng discrimination. Ang hirap maging part LGBT kaya nga yung iba mas ginugusto na lang ang manahimik, at saloobin agn kanilang tunay na nararamdaman at pagkatao.

Kung pagninilayang mabuti, maraming issues ang involved pag usapang sexuality. At maraming mga bagay ang dapat isa alang-alang pagdating sa ganitong usapin. At saka hindi naman lahat ng LGBT negative ang dulot, may mabubuti rin naman silang nadudulot sa lipunan. Marami kayang successful na mga bakla. Napapatunayan nila na hindi hadlang ang sexualidad ng isang tao upang magpakatao at umangat sa lipunang ginagalawan.

In the first place hindi naman nila kasalanan ang maging ganoon. Hindi rin biro ang pinagdadaanan nila madalas silang hindi natatrato ng tama. Ang kailangan nila ay ang pantay na pagtingin mula sa pamilya at kapwa, sa lipunang ito dapat pantay-pantay. Acceptance is the key to everything.